Pre-interviewလုပ်ဆောင်ရသည့် ရည်ရွယ်ချက်
၁။ JTCမှ ပဏာမရွေးချယ်စိစစ်ပြီး Main interviewသို့ ကောင်းမွန်စွာဝင်ရောက်ဖြေဆိုနိုင်ရန်။
၂။ ကျောင်းသူ/သားများ၏ ကိုယ်ရေးအချက်အလက်များမှန်ကန်မှု ရှိ/မရှိ သိရှိနိုင်ရန်။
၃။ JTCမှ သင်ကြားပေးထားသည့် အင်တာဗျူးဖြေဆိုပုံဖြေဆိုနည်းမှန်/မမှန်၊ ကျောင်းသူ/သားများ၏ကိုယ်ဟန်အနေအထား၊ အသံ၊ မျက်လုံး၊ အပြုံးစသည့် Mannerအနေအထားတွေကို သိရှိပြီးမှန်မှန်ကန်ကန်ပြုလုပ်နိုင်စေရန်။
၄။ ကျောင်းသူကျောင်းသားများ၏ ဂျပန်စာကျွမ်းမှု Levelကို သိရှိနိုင်ရန်။
၅။ ဂျပန်မှာ အလုပ်သွားလုပ်နိုင်ဖို့ စိတ်အားတက်ကြွမှု၊ ဂျပန်အလုပ်ရှင်များနှင့် လိုက်လျောညီထွေရှိမှုနှင့် ရင်းနှီးကျွမ်းဝင်မှု၊ မိမိကိုယ်ကိုယ် ယုံကြည်မှုရှိမှုကို ပြသနိုင်ရန်။
Pre-interview ဖြေဆိုမည့်သူများလိုက်နာရမည့်အချက်များ
၁။ Pre-interviewဖြေဆိုမည့်သူများ အင်တာဗျူးရက်မတိုင်ခင် ကြိုတင်စာရင်းပေးသွင်းရမည်။
၂။ အင်တာဗျူးချိန် မတိုင်မှီ နာရီဝက်ကြိုရောက်ရမည်။
၃။ အင်တာဗျူးလာတဲ့အခါ CV formကို တစ်ပါတည်းယူလာရမည်။
၄။ ဆံပင်၊ မုတ်ဆိတ်၊ အဝတ်အစားတို့ကို သပ်သပ်ရပ်ရပ်ဖြစ်အောင် ပြင်ဆင်လာရမည်။
၅။ အင်တာဗျူးရန် ရောက်လာသူများသည် တာဝန်ရှိသူများက အစဉ်လိုက်သတ်မှတ် ပေးထားသည့်နေရာတွင် ထိုင်စောင့်ရပါမည်။
၆။ မိမိအလှည့်ကျဝင်ရမည့် အဖွဲ့နံပါတ်များကို မှတ်သားထားရမည်။
၇။ မိမိအလှည့်ကို စောင့်နေရသည့်အချိန်တွင် ဖုန်းဆော့ကစားနေခြင်း၊ ဂိမ်းကစားနေခြင်း၊ စကားများဆူညံနေခြင်းများကို ရှောင်ကျဉ်ရမည်။
၈။ အင်တာဗျူးကို အချိန်မှီရောက်အောင် လာနေသော်လည်း လမ်းတွင် အကြောင်းအမျိုးမျိုးကြောင့် နောက်ကျမည်ဟု ထင်ပါက ဘယ်နှစ်မိနစ်လောက် နောက်ကျမည့်အကြောင်းကို ကြိုတင်အကြောင်းကြားရမည်။
၉။ စာရင်းပေးသွင်းထားသော်လည်း အင်တာဗျူး မဖြေဖြစ်တော့တဲ့အကြောင်းတစ်စုံတစ်ရာပေါ်ပေါက်ပါက မဖြေဖြစ်တော့တဲ့အကြောင်းကို အကြောင်းကြားပေးရမည်။
၁၀။ မိမိအလှည့် ဝင်ရမည့်အချိန်တွင် JTCမှ သင်ကြားပေးထားသည့် အင်တာဗျူးဖြေဆိုပုံဖြေဆိုနည်းအတိုင်း ဝင်ရောက်ရမည်။
၁၁။ အင်တာဗျူးဖြေဆိုပြီးသူများက မိမိတို့အိမ်သို့ ဘေးကင်းစွာ ပြန်ကြရမည်ဖြစ်ပြီး အင်တာဗျူးResultများကို JTCမှ ပြန်လည်အကြောင်းကြားပေးမည်ဖြစ်သည်။
၁၂။ Pre-interviewဖြေဆိုအောင်မြင်ထားပြီးသူများသာ Main interviewကို ဝင်ရောက်ဖြေဆိုရမည်ဖြစ်သည်။
Interview ဖြေဆိုသောအခါ လုပ်ဆောင်ရမည့် ပုံစံများ
၁။ Interviewအခန်းထဲသို့ မဝင်ခင် しつれいしますလို့ပြောပြီး おじぎလုပ်ပြီး ဝင်ပါ။ (おじぎလုပ်တယ်ဆိုတာ ဦးခေါင်းကို တည့်တည့်မတ်မတ်ထားပြီး အရှေ့ကို ၄၅ဒီဂရီ ဦးညွှန့်အရိုအသေပေးတာကို ဂျပန်လို おじぎလုပ်တယ်လို့ခေါ်ပါတယ်)
၂။ မိမိထိုင်ရမည့် ခုံဘေးတွင် ရပ်ပါ။
၃။ どうぞ(ထိုင်ပါ)လို့ပြောတဲ့အခါ はい、ありがとうございますလို့ပြောပြီးထိုင်ပါ။
၄။ မေးခွန်းများမေးပြီးသောအခါ Interviewသူမှ いじょうです(ပြီးပါပြီ)လို့ပြောတဲ့အခါ はい、ありがとうございましたလို့ ပြောပြီး おじぎလုပ်ပြီးမှ ထိုင်ခုံမှထပါ။
၅။ ခုံဘေးတွင် မတ်တပ်ရပ်ပြီး おじぎလုပ်ပြီး ထွက်ပေါက်သို့သွားပါ။
၆။ မထွက်ခင် Interviewသူများဘက်သို့ ပြန်လှည့်ပြီး ほんじつはありがとうございました。しつれいしました。လို့ပြောပြီးおじぎလုပ်ပြီး ထွက်နိုင်ပါပြီ။
၇။ Groupအလိုက် ဖြေဆိုရပါက တစ်ခြားသူများရဲ့ အခြေအနေကိုကြည့်ပြီး おじぎလုပ်ခြင်း၊ ထိုင်ခြင်း၊ ထွက်ခွာခြင်းများကို လုပ်ဆောင်ပါ။
သတိပြုရမည့် အချက်များ
၁။ Interviewဖြေစဉ် ထိုင်ခုံကို ကျောမှီ၊ ခါးကွေး၍ မထိုင်ရ။
၂။ ခါးမတ်မတ်ထိုင်၍ အမျိုးသမီးများက လက်ကို ပေါင်ပေါ်ယှက်တင်ပြီး၊ အမျိုးသားများက လက်သီးကိုဖွဖွဆုပ်၍ဒူးပေါ်တင်ထားပါ။
၃။ ထိုင်ခုံတွင်ထိုင်စဉ်/ မေးခွန်းများကို ဖြေစဉ် ခြေ၊လက်များကို လှုပ်ရှားနေခြင်း၊ ခြေချိတ်ထိုင်ခြင်း၊ ခြေထောက်ကို ကြက်ခြေခတ် အနေအထားဖြင့်ထိုင်ခြင်း၊ ရှေ့တွင် စားပွဲရှိပါက လက်တင်ခြင်းများ မပြုရ။
၄။ Interviewသူမှ မေးခွန်းမေးနေစဉ် ဂရုတစိုက်နားထောင်ပြီး မေးခွန်းများကို နားမလည်ပါက တွေဝေစဉ်းစားမနေဘဲ すみません。わかりません。လို့ပြောပြီး ပြန်လည်မေးမြန်းနိုင်ပါတယ်။
၅။ Interviewသူမှ မေးသော မေးခွန်းကိုနားလည်ပြီး ဂျပန်လို ဖြေဖို့ခက်ခဲပါက すみません。ミャンマー語でよろしいでしょうか。ဟုမေးပြီး မြန်မာစကားဖြင့် ဖြေဆိုနိုင်သည်။
၆။ မေးခွန်းများကို ဖြေကြားစဉ် မေးသူကို ကြည့်၍ဖြေဆိုပါ။
၇။ မေးခွန်းများကို ရှင်းရှင်းလင်းလင်းနှင့် ပီပီသသ အသံကျယ်ကျယ်ဖြေပါ။ (အသက်အရွယ်ကြီးသူများ နားကြားအားနည်းချက်ရှိသည်)
၈။ အဝတ်အစားများကို သန့်ရှင်းသပ်ရပ်စွာ ဝတ်ဆင်လာပါ။ (မြန်မာဝတ်စုံ သို့မဟုတ် အနောက်တိုင်းဝတ်စုံ)
၉။ ကိုယ်နေဟန်ထား၊ ဆံပင်၊ မုတ်ဆိတ်များကို သန့်ရှင်းသပ်ရပ်စွာ ဖြီးလိမ်းပြင်ဆင်လာရမည်။
၁၀။ ဆံပင်အရောင်ဆိုးထားသူများ အမဲပြန်ဆိုးထားရမည်။ ဆံပင်ရှည်သူများ ညှပ်ရမည်။
၁၁။ နားကွင်း/နားကပ်များ တပ်ထားပါက ချွတ်ထားရမည်။
